公交迷网 - 巴士之家

标题: 【★ 基佬游记 —— 属于大学城不平静既一日 ★】 [打印本页]

作者: 麦基佬迪 时间: 2008-12-19 07:15
标题: 【★ 基佬游记 —— 属于大学城不平静既一日 ★】
中午既大学城体育中心总站，一台车都毋，显得异常平静，失去左往日既喧嚣。依然熟悉既地方，但又见唔到三汽标志性既绿色，听唔到潍柴标志性既轰鸣声，真系相当唔习惯。蓝人孤零零咁企系调度室门口，感觉上，距就好似听系窗口玻璃上既乌蝇一样，前途一片光明，但又稳唔到出路．．．阳光普照紧大地，但系同距既同类一样，蓝人，就依然生活系黑暗当中，生活就系咁嗝了，距都毋眼睇了．．．

作者: 麦基佬迪 时间: 2008-12-19 07:16
终于稳到平静既根源了，环南中国海国际自行车赛，一年一度既单车盛宴，又系呢个时候如期咁来到左大学生既身边，不过好可惜，除左我同班啊sir之外，沿路基本上都毋人睇，可能系路段问题挂。绿色既工作车系唯一一台停靠系体育中心总站既车辆了，所有既路都封住，组织得都相当严谨，所以基本上毋人可以跨过对面马路睇临时更换总站既通知了。

作者: 麦基佬迪 时间: 2008-12-19 07:17
等左一阵，车队来了，个个都相当气派，都未来得切拿起相机，车队就闪左去了，应晒安踏运动既广告词“飞一般的感觉”。好彩，大学城站系兜圈赛，五分钟就又会翻来了，所以大可毋必要咁急住去影，于是转换左一个角度，继续拍摄，第二次就比较好彩了，影到左领骑既三位仁兄，最前头既果位仁兄踩到索晒气咁，表情异常滑稽。至于传说中既黄金宝，就似乎淹没系茫茫车海之中了。随后而来既系救护车，可能系俾车手感染左，亦都相当有速度，梅赛德斯既车的确系不同凡响。

作者: 麦基佬迪 时间: 2008-12-19 07:18
影完单车，自不然就要拜访下大学城四巨头聚首既地方——广中医总站了，沿路见到４线一台，遂留影之。不远万里来到广中医总站，总算毋浪费到我既脚骨力，四条专线摆埋一齐，显得相当气派。
在此要鄙视下某个着便装既蓝人，我岩影左一张，距就过来同我讲唔可以影相了，我问距系边个部门既，距话唔属于三汽，系属于站场既，见距咁讲，我就质问距：“我有自己支配行为既权利，我影我既车，连当班司机都唔来干涉我你凭乜来干涉我啊！”见距毋声出，我继续影我既车。我底气足系有原因既，我某个识得既朋友当紧班。
特别要提下台３－１－Ｇ３６８，呢台车系１线入边车况最好既车，我唔敢讲距系咪所有大学城线路入边最好既车。当然，有心既版友可以碰下距，呢台车调教的相当有水准，系南部快速可以上９０，呢个车速系ＳＶ１入边已经相当唔简单了，而且机头非常有力，上琶洲大桥唔需要降档。

作者: 麦基佬迪 时间: 2008-12-19 07:19
两点一过，内环路基本上都拆封了，但系体育中心一时之间仲未可以回复原来既繁忙，第一台停翻来既，三线既２５３，久违左既冷王自动挡～由于时间已经唔允许我系体育中心作出更加耐既停留，我马不停蹄咁来到北亭广场总站，坐上２５２踏上归途，以下系为我服务既２５８，伴我结束大半日既旅程。

作者: 海豚 时间: 2008-12-19 08:47
LZ的游记不错，衣家的LR拿着鸡毛当令箭。

作者: ＪＹＥＸ 时间: 2008-12-19 12:18
“我有自己支配行为既权利，我影我既车，连当班司机都唔来干涉我你凭乜来干涉我啊！”

说得好!记得两年前我在同和总站影车,有个看场的在扫地,拿着扫把来势汹汹的过来叫我不要影,还想拿扫把赶我走,我大声喝他"你想干什么!这是什么态度!"然后问他主管是谁,我要投诉他!他就像死老虎一样声都不声了.讲到底都是以为我们拿相机的人好欺负~呵呵~

作者: 于扬 时间: 2008-12-19 12:44
经典台词，记落来，下次我都派上用途。

作者: acefeng 时间: 2008-12-19 13:10
大学城内环经常有单车比赛，有时都会去看。

作者: 奔驰CITARO 时间: 2008-12-19 13:45
部红色既骏威好养眼，好似伦敦啲巴士~~~~

作者: dozenliang 时间: 2008-12-19 15:55
G368唔知邊條友開呢?
以前G677果條友好勁,開到部車慳汽得來又非常順,空檔都可以系內環路放射線高架橋超車,證明佢慳汽得來又將個速度掌握得好好!

作者: trrazme 时间: 2008-12-19 17:23
LZ的行程相当丰富喔·····支持下··

作者: 9203 时间: 2008-12-19 17:36
果几条专线噶车有些是有增压的吧,是几好飞的

感觉自动波的车没增压用维柴的也几好飞

作者: zeng1984 时间: 2008-12-19 19:08
3-1-G368之前203的车~~

作者: Jie_Zi 时间: 2008-12-20 09:58
以后我地用e一句唔知可唔可以压倒蓝人同埋某D站长咧？！

作者: sam9233 时间: 2008-12-20 12:21
提示: 作者被禁止或删除内容自动屏蔽

作者: fish鱼 时间: 2008-12-20 14:10
好有氣勢

四部S1，兔耳支架梅花間竹

欢迎光临公交迷网 - 巴士之家 (http://www.gongjiaomi.com/)