公交迷网 - 巴士之家

标题: 【 ★ 技术贴 —— XMQ6119G3，BRT先行者 ★ 】 [打印本页]

作者: 麦基佬迪 时间: 2009-10-5 17:53
标题: 【 ★ 技术贴 —— XMQ6119G3，BRT先行者 ★ 】
本贴为技术贴，旨在分享客车内部构造，增加客车能见度，不设限权，不留水印，倡导和谐论坛环境，请勿用马甲留言

作者: 麦基佬迪 时间: 2009-10-5 17:55
型号：XMQ6119G3
尺寸：11490×2550×3160
最高车速：80 km / h
底盘型号：XMQ6113GR1
发动机：YC6G220P-30
前悬：2670 后悬：3120 轴距：5700
整备质量：10600kg，最大总质量：18000kg。

XMQ6119G3，属于大金龙城市客车系列入边最有代表意义既一款作品，终于落户广州了，亦代表住大金龙每一代产品既最有代表性作品都系广州留下左足迹。从一开始故障率极低既XMQ6113GF系列，到经典既XMQ6120G，再到动力强劲既XMQ6125G3，大金龙既每一款作品都受到广大司机既赞誉，今次，大金龙再次带来经典作品，由其煞费心思改良既发动机舱布置，拉开LPG车节能、舒适既新里程，使LPG唔再昂贵。
由目前所得到既资料，该车型高速公路百公里开冷气轻载既工况下，气耗仅为≤50升，三汽睇中既就系大金龙既节能特点，引进该车型运行BRT线路，目前投放于85等路线进行磨合运营。如果运营成本如期得到大幅下降，该车型将成为未来三汽既主力车型。

作者: 麦基佬迪 时间: 2009-10-5 17:57
XMQ6119G3内箱地板既设计完全遵循BRT既要求，其宗旨系“创造最大既承载空间”。因此，后舱前三排座位采用单排座位布置，该车搭载冷王空调，呢款空调既品质同旧款唔同，采用既系“从后向前覆盖”既送风模式，使车辆后舱唔再产生温差，由于独特既翻风槽设计，使车厢每一个角落保持恒温。奇怪既系，即使系调至送风、最小风力既时候，该款冷王依然保持强劲既制冷，车内温度保持系22°C左右。
当冷气泵停止制冷时，车厢非常安静，几乎听唔到发动机噪音，隔音性能卓越。

作者: 麦基佬迪 时间: 2009-10-5 17:58
仪表台既布置简洁、合理，毋集成CAN总线控制器，值得一提既系，CAN总线控制器应用系一汽既安凯上效果非常唔好，成日出错，不但毋起到实时监测既作用，反而使客车因不必要既原因返厂维修，呢个教训提示我地，电路既故障比机械故障来得更加频繁，一旦出现故障更加难以维护，唔应该盲目系车辆上加装用电设备，否则将使汽车故障率上升。
此外，XMQ6119G3仪表台上既按钮采用故障率更低既按键式，增加使用寿命。另外，内摆门使用气门，将大大降低用电门所造成既故障，气门直接由气门阀控制，当推下气门阀，气流直接充入气泵打开车门，而如果用电门，气流既控制由电按钮控制，就增加左用电设备，用电器系车辆入边最容易发生故障既野，呢个系铁规则！气门使用寿命更长，免维护时间长达三到四年，更换气管后即可继续正常运行。

作者: 麦基佬迪 时间: 2009-10-5 18:01
城市客车是否有必要安装6MT变速箱呢？呢个问题系参与试运营既司机之间存在争议，多数司机认为，城市客车平均行车速度较低，唔应该选用6MT变速箱，应该选用操作更为简便既5MT变速箱，事实上，即使系东风路呢类路况顺畅既路段，需要用到6档既机会都唔会好多，所以我既观点都属于系选用5MT既。但可能系BRT快速特性既要求吧，成批车都用6MT。
是否有版友存在误区，觉得6MT既极速高于5MT呢？其实，两者差距并唔会好大，虽然5MT比6MT少一个档位，但5MT既最高传动比同最低传动比基本上系统6MT一样既，一般1档既传动比都系5~7，而最高档位既传动比都系0.8~1.0，所以两者既极速系基本相同既。6MT变速箱最佳入档顺序系1-3-4-5-6，可以有效避免入错档。
仲有，之前我见到有个别版友发帖话XMQ6125G3既极速可以达到120公里，呢个速度基本上系唔可能既，因为最高速度系车辆设计既最初阶段已经系确定落来嗝了，车辆设计最初阶段主要系确定车辆尺寸、发动机位置、总质量、最高速度等几个先决条件，然后根据公式计算，得出该条件下发动机应输出既最大功率以及最大功率下既转速，再根据计算结果选装发动机既。我咁样讲可能好虚无飘渺，但事实上，80 km / h既极速系总质量为18000既时候所计算出来可选用既发动机就系YC6G220P-30。

作者: 麦基佬迪 时间: 2009-10-5 18:03
本帖最后由麦基佬迪于 2009-10-5 18:05 编辑

来睇下发动机舱既布局。就系因为呢个经典布局，令水温恒定咁保持系75~80°C，呢个水温可以讲系最适宜客车行驶既，亦正是呢个水温，可以令客车所有部件减少不必要既磨损，比如话润滑油变稀、水箱压力过大、橡胶配件受热膨胀等，延长使用寿命。
该车既发动机舱布置经过改良，将距既细腻应用到每一个角落，从总体布局上可以见到，水箱同机械散热风扇打横装左系客车既左后方，由两个连杆同一个等速万向节相连接，同样既布置系宇通气电混合动力以及XMQ6125G3上均有采用，但XMQ6119G5上既水箱比前两者既水箱更加大，机械风扇覆盖面积更加宽阔，再加上车尾部既散热孔入风，使水箱既散热效果非常理想。
P.S.发动机舱正面果个系加水口，唔系水箱，最左侧打横摆放果个先系水箱，唔好辨认错误，因为之前有版友觉得铝合金果个盒就系水箱嗝

作者: 麦基佬迪 时间: 2009-10-5 18:06
由发动机特写中足以见到金龙做车既细腻之处。首先，发动机周围既线束全部都有塑料绳进行固定，避免线束表层因发动机既温度而熔化。第二，无论系发动机正上方既水冷管同发动机左侧既中冷管都经过改良，改变左以往成条橡胶管既布置，橡胶管仅限于与发动机交接既一小段，而其他部分用金属管代替，咁样可以有效降低水管由于长期受到热水浸泡而造成既局部穿孔或断裂，难以发生爆水管既生产事故。由楼上水箱特写既图中同样可以见到金属管，非常合理。

作者: 麦基佬迪 时间: 2009-10-5 18:07
空气滤清器采用新型号，从图中可以见到，空气滤清器右侧系排气管，排气管上面覆盖左一层隔热层，因为排气管既温度系好高既，可以达到几百度，电线意外粘住排气管极有可能发生烧电线进而引起发动机舱起火，金龙将呢个可能性降到最低，据我所知呢个细节其他品牌比唔上大金龙。
制动储气气缸安装系空气滤清器既前面，两个缸体用系固定于车架既基础上用两条皮带再进行一次相互固定，显得非常细心。

作者: 麦基佬迪 时间: 2009-10-5 18:07
总的来讲，XMQ6119G3系LPG车入边难得既好作品，将大金龙既细腻完完全全呈现出来，系一款非凡既作品，以目前既状况睇来，大金龙既性能及质量由于其他品牌同等级车型，已经系广州打响左一定既口碑，极有可能大大提升占有率。至于气耗是否真系可以达到百公里五十升，我亦将会跟进。

作者: 麦基佬迪 时间: 2009-10-5 18:09
下面系关于大黄海既跟进，上次我发XMQ6120G既时候，同“吾系学生”版友进行左讨论，对大黄海底盘既构造进行左推测，依家有结果了，其实大黄海既底盘构造同XMQ6120G系完全一致既，底盘上既重要部件，发动机、液力变矩器、变速箱、主减速器等两车系一样既。至于点解后舱会高起一块，结果系：大黄海可以做成全低地板，因厂家因素将后舱地板作小幅度提高，下面系稍作整理既图片，各位可以对照翻XMQ6120G既贴睇翻各个部件，文字就唔多描述了，因为系中山八路影既相，由于车位紧密，时间仓促，效果不佳，请海涵。

作者: 麦基佬迪 时间: 2009-10-5 18:10
上次提到“点解两台无障碍车辆均装配ECAS系统，点解行驶时两车侧倾幅度唔一样？是否一汽将气阀锁死？”，呢个问题既答案系：一汽并毋将气阀锁死，当班司机向我演示左ECAS既全套动作，左倾、右倾、上浮都可以顺利完成，而因为两台车既平衡阀采用既零件唔同，所产生既侧倾效果亦会唔同，大黄海侧倾速度非常缓慢，而大金龙就显得比较迅速。
大黄海目前退役两台，其中0702系由于车架变形，另外一台不明。

作者: 麦基佬迪 时间: 2009-10-5 18:11
下面系大黄海既水箱，各位可以对照新金龙既水箱作一下比较。

作者: 麦基佬迪 时间: 2009-10-5 18:13
新穗有台车，貌似系全车翻新既样板车，编号XS-645，有兴趣既版友可以去睇下，在下就毋时间去影了，最近有好多野做，如果有时间，再整理下两款S1既图片发上来，唔够时间就作罢了~
—— 本贴完，如有错漏请各位指点，多谢指教 ——

作者: KAMEERU322813 时间: 2009-10-5 18:20
提示: 作者被禁止或删除内容自动屏蔽

作者: zeng1984 时间: 2009-10-5 18:26
跟翻张6119G3的底盘铭牌来支持下!!

[attach]389520[/attach]

作者: freedom 时间: 2009-10-5 18:31
PS:另外一台已经报废的黄海应该是1954吧...年半前去影.经常拜托人看智能的电子更纸话台车无出.估计已经报废.呢家就差台车没影而已.
说真.大金龙无论造工及油耗方面都比其他品牌的客车更胜一筹.尤其是造工.大金龙比起其他品牌的车的造工更结实.看完整贴的介绍之后.人觉得这批金龙的最大特点是空调采用"后向前"送风模式.打破了LPG公交车车厢后半部分不再产生比较大的温差.大大增加了乘车的舒适度.

作者: gdiner 时间: 2009-10-5 18:37

总的来讲，XMQ6119G3系LPG车入边难得既好作品，将大金龙既细腻完完全全呈现出来，系一款非凡既作品，以目前既状况睇来，大金龙既性能及质量由于其他品牌同等级车型，已经系广州打响左一定既口碑，极有可能大大提升占 ...
麦基佬迪发表于 2009-10-5 18:07

高速百公里50L应该没问题！城市路就不可能了。不过204的司机说这个车除了6档难开以外，基本跟旧车没大分别。就是刹车没回去调，有点飘

作者: 麦基佬迪 时间: 2009-10-5 18:45
挂档困难系因为变速箱入边既各档齿轮、同步器、结合套以及离合器压盘、摩擦片未磨开所导致既，两个月磨合之后会有显著改善。

作者: 一汽巴士 时间: 2009-10-5 20:05
批车提速几好，某日搭206，响新港东都可以好快开到50km/h

作者: trrazme 时间: 2009-10-5 20:21
此车除了后山坐得非常5爽之外，其他都相当唔错~！！热烈庆祝有批甘好既车为广州市民服务！！！

作者: sam9233 时间: 2009-10-5 20:26
提示: 作者被禁止或删除内容自动屏蔽

作者: gz6112sv2 时间: 2009-10-5 20:58
如果呢只车唔封尾集中向上抽热噶话，按照一般过去后窗玻璃车尾板打窿散热会唔会差好多？

作者: 你老板 时间: 2009-10-5 22:13
呢种车走大学城专线应该可以很好地发挥其性能...

作者: 6598 时间: 2009-10-5 22:38

XMQ6119G3内箱地板既设计完全遵循BRT既要求，其宗旨系“创造最大既承载空间”。因此，后舱前三排座位采用单排座位布置，该车搭载冷王空调，呢款空调既品质同旧款唔同，采用既系“从后向前覆盖”既送风模式，使车辆后 ...
麦基佬迪发表于 2009-10-5 17:57

都系果句..你调几大风都系无用的.......调温度系最实际

作者: 6598 时间: 2009-10-5 22:42

仪表台既布置简洁、合理，毋集成CAN总线控制器，值得一提既系，CAN总线控制器应用系一汽既安凯上效果非常唔好，成日出错，不但毋起到实时监测既作用，反而使客车因不必要既原因返厂维修，呢个教训提示我地，电路既故 ...
麦基佬迪发表于 2009-10-5 17:58

有D也再贵都系得个名...can成本维护也比较高

作者: 麦基佬迪 时间: 2009-10-5 23:03

如果呢只车唔封尾集中向上抽热噶话，按照一般过去后窗玻璃车尾板打窿散热会唔会差好多？
gz6112sv2 发表于 2009-10-5 20:58

我睇唔多明阁下既意思，咩野叫唔封尾集中向上抽热啊？
车尾打隆散热毋乜效果既，最主要都系水循环发挥作用，打隆散热只系可以令发动机舱温度下降，水温系基本维持不变既

都系果句..你调几大风都系无用的.......调温度系最实际
6598 发表于 2009-10-5 22:38

呢款车用最小风速送风既情况底下都可以维持系22度左右喔，调到27度依然继续制冷至22度，所以当班司机开一段冷气，过一阵就成个冷气关晒，到升温再开翻

作者: 6598 时间: 2009-10-5 23:53

我睇唔多明阁下既意思，咩野叫唔封尾集中向上抽热啊？
车尾打隆散热毋乜效果既，最主要都系水循环发挥作用，打隆散热只系可以令发动机舱温度下降，水温系基本维持不变既

呢款车用最小风速送风既情况底下都可以 ...
麦基佬迪发表于 2009-10-5 23:03

P1拒的意思系话S1,系后牌上边开个排气口,P2呢款冷气5错,锦大空间依然保持到温度,要研究下先

作者: 麦基佬迪 时间: 2009-10-6 00:06
S1以及12米宇通金龙封尾板上面过个唔系散热口来架，系空气滤清器既入风口来架，有乜可能用果个位置散热啊？所见到客车尾部既凸起都系空气滤清器既入风口，唔系散热口，客车行驶时，尾部既气流系最强既，所以基本上选系左、右侧尾部注入空气，距专门有条管道连接到空气滤清器嗝

作者: 本田雅阁 时间: 2009-10-6 09:38
这批车准备用于BRT的吗？

作者: wakin-cn 时间: 2009-10-6 09:44
提示: 作者被禁止或删除内容自动屏蔽

作者: mclarenm6 时间: 2009-10-6 16:26

学到野啦！

作者: gdiner 时间: 2009-10-6 16:58

这批车准备用于BRT的吗？
本田雅阁发表于 2009-10-6 09:38

这车不符合brt要求

作者: 麦基佬迪 时间: 2009-10-6 21:31
楼上，呢台车就系按照BRT要求设计既，边度唔符合要求，请你指出

作者: gdiner 时间: 2009-10-6 21:37
brt一定要canbus

作者: gz6112s1 时间: 2009-10-6 22:27
正！专家点评就是精彩！！

有个问题想问好耐～

点解进口偈多数都会系水箱右置，排气管左置，即俗称嘅“左炮”，而国产偈又多多数会系水箱左置，排气管右置嘅“右炮”呢？我觉得呢样野应该有法例去规管，因为排气管向住路人果边喷，很不人性化！应该强制放在司机位果边先岩！

作者: zeng1984 时间: 2009-10-6 22:35

正！专家点评就是精彩！！

有个问题想问好耐～

点解进口偈多数都会系水箱右置，排气管左置，即俗称嘅“左炮”，而国产偈又多多数会系水箱左置，排气管右置嘅“右炮”呢？我觉得呢样野应该有法例去规管，因为排 ...
gz6112s1 发表于 2009-10-6 22:27

有同感啊,跟在部车后面简直受罪啊,被点废气喷!!

作者: gz6112sv2 时间: 2009-10-6 23:56

S1以及12米宇通金龙封尾板上面过个唔系散热口来架，系空气滤清器既入风口来架，有乜可能用果个位置散热啊？所见到客车尾部既凸起都系空气滤清器既入风口，唔系散热口，客车行驶时，尾部既气流系最强既，所以基本上选 ...
麦基佬迪发表于 2009-10-6 00:06

我一直以为果度系散热出风口，原来系入风，感D余热噶最终走向就系去到水箱？

作者: gz6112sv2 时间: 2009-10-6 23:58
本帖最后由 gz6112sv2 于 2009-10-6 23:59 编辑

正！专家点评就是精彩！！
有个问题想问好耐～
点解进口偈多数都会系水箱右置，排气管左置，即俗称嘅“左炮”，而国产偈又多多数会系水箱左置，排气管右置嘅“右炮”呢？我觉得呢样野应该有法例去规管，因为排 ...
gz6112s1 发表于 2009-10-6 22:27

我只发现G车都系右炮………

作者: 麦基佬迪 时间: 2009-10-7 06:22
关于排气管系左侧定系右侧呢个问题我又真系毋霖过喔，貌似唔系每一款国产车都系甘吧，好似花都既亚星排气管就系左侧既，呢个问题要好好考究下，我所睇过既客车设计既书貌似都毋规定水箱同排气管既位置嗝喔，睇来要请教下D老师先得了。

我一直以为果度系散热出风口，原来系入风，感D余热噶最终走向就系去到水箱？
gz6112sv2 发表于 2009-10-6 23:56

发动机舱既热量要风冷，发动机本身既热量就要水冷，中冷管就可以风冷亦可以水冷。

作者: andrew12315 时间: 2009-10-7 16:49
提示: 作者被禁止或删除内容自动屏蔽

作者: wakin-cn 时间: 2009-10-7 19:58
提示: 作者被禁止或删除内容自动屏蔽

作者: fish鱼 时间: 2009-10-7 20:30
排氣管都要按客戶要求？其實位置方面對公交公司冇乜影響啩

作者: 奔驰CITARO 时间: 2009-10-7 20:37

好似85几多部G3，转入迎宾馆时死火一次，手动报站。部车空调真系唔错，专蹬坐系靠后排晒位，几凉吓！有个妈咪上车话，哇！部车甘新甘大阵味。
wakin-cn 发表于 2009-10-7 19:58

新车有味很正常的~~

作者: KAMEERU322813 时间: 2009-10-7 23:43
提示: 作者被禁止或删除内容自动屏蔽

作者: 赖皮狗 时间: 2009-10-8 04:52
关于左炮右炮问题。我以前开既S3全部系左炮。事关机头排气口同增压器系左边。方便安装消声胆原因呱。而SV1就右炮淮柴排气口右边。可能都系方便安装排气喉呱。。无理由机头排气口响左边专门将条排气管屈黎屈去装右边呱！

作者: 赖皮狗 时间: 2009-10-8 04:57
从基佬果张空气滤清器相就睇得出机头排气口系右边。无理由专程屈条喉过去左边装噶。

作者: KAMEERU322813 时间: 2009-10-8 10:09
提示: 作者被禁止或删除内容自动屏蔽

作者: 你老板 时间: 2009-10-8 11:01
呢种车唔错。好好力，可以讲系煤气鬼之中噶优秀分子,起步有力,提速又稳又快,质量比12米果只好!呢种车造价应该唔低…

作者: KAMEERU322813 时间: 2009-10-8 11:34
提示: 作者被禁止或删除内容自动屏蔽

作者: gz6112s1 时间: 2009-10-8 17:23

关于左炮右炮问题。我以前开既S3全部系左炮。事关机头排气口同增压器系左边。方便安装消声胆原因呱。而SV1就右炮淮柴排气口右边。可能都系方便安装排气喉呱。。无理由机头排气口响左边专门将条排气管屈黎屈去装右 ...
赖皮狗发表于 2009-10-8 04:52

原来系咁～就系因为国产偈嘅先天设计嘅不足，令到巴士设计咁唔人性化～

话时话～人地外国真系会重新驳过条死气喉去远离人行道果边嘅车身的～

呢个设计HK有唔少～但系据闻人地系有法例规管！

作者: fish鱼 时间: 2009-10-8 21:00

喺内地,右炮车意味住路人同踩单车嘅人要忍受公交车排除废气,用左炮就人性化得多了……
KAMEERU322813 发表于 2009/10/7 23:43

我明，但係公交公司應該冇影響

作者: andrew12315 时间: 2009-10-8 22:44
提示: 作者被禁止或删除内容自动屏蔽

作者: 麦基佬迪 时间: 2009-10-9 16:23
以客车发动机舱既布局来睇，排气管的确系可以左右调转，但系由于发动机本身进气歧管以及排气歧管本身所处既位置关系，如果要进行相应调转可能就要赔上车身相对较重既代价了，就好比如发动机本身既排气歧管系右侧，如果调转到左侧就要增加排气管长度了

欢迎光临公交迷网 - 巴士之家 (http://www.gongjiaomi.com/)