公交迷网 - 巴士之家

标题: 一周见闻（未知算特见否？？） [打印本页]

作者: odoko0210 时间: 2008-10-21 02:24
标题: 一周见闻（未知算特见否？？）
近一个星期来我坐花都——广州某7字头公交车，几乎有60％既机会会坐到羊城通机套住皮套，写明坏机既公交车，究竟系咪坏机，无从稽考。但系今日又坐溢通公司某条白云——黄埔既公交车，发现又系坏机，司机一路收钱忙得不亦乐乎。最惊奇既系回程坐原恒通公司某条白云——天河既线路，当时我同两名乘客系总站上车后，都用羊城通付了车资，但开出一个站后，司机对上车既乘客讲：“机坏了，俾散纸！”，本人非常惊奇，头先仲好好既机，点解讲坏就坏?再联想起近一个星期坐长线路车既遭遇，以及近期全城热炒既公交优惠政策，不禁产生一个怪异既想法：原来呢个方法系对付无赖交委既最好应对措施。

1，ZF话补贴6亿俾公交公司，要求实行88蚊任搭既优惠方针，其实交委都承认呢个系杯水车薪既举措，可怜我地广大既公交公司，要无端承受呢D甘无赖既政策，于是你有张良计，我有过墙梯，我话机坏了，刷唔到卡，俾CASH啦，甘就避开了呢个政策，真系高明啊！！！
2，只要系长线路既车，优惠越多，亏得越多，所以我见既都系花都，黄埔等郊区线路就有呢D问题。
3，只有私人公司，先至会以市场经济原则来衡量自己既得失，而国有公司，苦于有社会责任，被逼参与呢D无赖政策。

呢个只系我本人一个无厘头既想法，可能根本公交公司就无甘既行为来逃避社会责任，但系就算公交公司真系有甘既做法，我一D都唔惊奇，虽然我唔及论坛上甘多资深巴迷，对公交运营市场有深入既认识，但系我知道，实行呢个政策，公交行业将会面临更大既亏损。虽然呢次既政策，我地广大市民得到好多实惠，但系大家都知道，无人愿意成日俾人稳笨，公交公司亏钱了，服务质量肯定下降，最终受苦既又系乘客，乘客又反映问题，某D职能部门又制定新既政策，牺牲一部分人利益来塞住大部分人把口，造成恶性循环。

大家可以回想下呢段时间关于公交问题既变化发展趋势，我记得先系有媒体开始关注出行难既问题，得到广大市民既响应，于是有部门出面大幅调整公交线路，合并公司，接下来就系线路调整了，线路调整了，盈利肯定有影响，再加上前几年LPG 既遗留问题，于是大家又关注公交行业既亏本问题，于是就扯出了ZF补贴行为，好啦，既然ZF可以补贴公交公司，点解唔可以补贴市民？于是又推出呢个政策来，由始至终，某D部门始终唔系本着解决问题既原则去解决问题，而系千方百计去逃避，将问题引去其他地方，引向市民同公交公司，希望双方狗咬狗，自己置身事外，呢D行为，如同二战时既绥靖政策，试问甘既心态点可以解决问题？我认为大家都唔系傻既，连我甘既人都知道，何况广大市民，巴迷？
其实大家都有好多牢骚要发，无奈无甘既环境可以畅所欲言，就算讲了都唔一定可以实现，如果大家都有甘既想法，不如一齐讨论下。

作者: sam9233 时间: 2008-10-21 05:46
提示: 作者被禁止或删除内容自动屏蔽

作者: 海豚 时间: 2008-10-21 08:37

原帖由 sam9233 于 2008-10-21 05:46 发表
花恒7XX好多都系有蛇妹噶所以吾需要钱箱或羊仔的况且花恒都没参加月票噶活动

原来花都恒通无参加啊

作者: andrew12315 时间: 2008-10-21 11:30
提示: 作者被禁止或删除内容自动屏蔽

欢迎光临公交迷网 - 巴士之家 (http://www.gongjiaomi.com/)