广州地铁新线游（多图）

gzpassenger · 发表于 2010-12-18 17:48

本帖最后由 gzpassenger 于 2010-12-20 19:49 编辑

今次游览嘅地铁线包括：4号线（车陂南-金洲）、8号线、2号线、广佛线（西朗-金融高新区）、3号线（机场南-林和西）、APM。
可惜好多相都唔系非常清晰，望见谅。

4号线（车陂南-金洲）
呢一段其实唔算太新嘞，游览仅仅出于对一啲嘢嘅好奇。
车陂南站，位于黄埔大道。其临近嘅公交站原名“车陂站”，后来该站已改名为“车陂南站”。而造成我疑惑嘅原因，见下图（请仔细观察）。

大学城北站站台为一岛一侧结构。往金洲方向为岛式站台，但该站台另一边铁轨用途不明，正常情况下列车唔进入，因为嗰边嘅屏蔽门同车门位置完全唔对应，兼且系手推门。往黄村方向为侧式站台。（还望有识之士解释一下呢种站台结构。）

大学城南站为侧式站台，未来同7号线换乘，已经可见换乘通道雏形（宜家系员工通道，用围栏围住，唔畀乘客进入）。

4号线有两个未开通嘅站：官桥站、庆盛站。官桥站完全未有动工迹象。庆盛站似乎正喺度建设中，该站上方有另外一条高架铁路通过，貌似系一个换乘站。由于角度问题，影唔到相。
目前终点站系金洲站。下面嘅第一张相，我命名为《金洲地铁站之断桥》。系冒住强风拍摄嘅。

附近公交站牌。

gzpassenger · 发表于 2010-12-18 17:48

本帖最后由 gzpassenger 于 2010-12-20 19:54 编辑

8号线
沙园站系我考察嘅重点。据称呢个系广州地铁首个平行换乘站点（事实上唔系）。车站站台为双层岛式站台，每层嘅东边轨道为8号线，西边轨道为广佛线（未开通段）。一对比就发觉广佛线列车明显短好多。
广佛线屏蔽门。里面其实连铁轨都未铺。

角度有限，影出嘅平行换乘效果唔多明显。下图左边为8号线，右边为广佛线。

昌岗站，有两条换乘通道。一条要先上（站厅）后落（二号线站台）。都几多人咖。

另一条喺站台末端，通过楼梯直接落去就得嘞。奇怪嘅系冇咩人行。

2号线
首先去直接咗广州南站。据新闻报道，呢度设置一岛一侧站台，但据本人观察目前仅有侧式站台。岛式估计要等7号线开通之后先可以见到。下图左边将出现未来嘅7号线，但宜家净得一幅墙。

站外。

公交总站。

南浦站具有同4号线大学城北站相似嘅怪异站台结构。
飞翔公园站-黄边站清一色为侧式站台（冇停留，冇影相）。
嘉禾望岗站先至系广州地铁首个平行换乘站。站台只有一层。2号线两条轨道喺中间，3号线两条轨道喺外边，2、3号线轨道之间为岛式站台。下图左边为3号线，右边为2号线。

嘉禾望岗站站台结构示意图。

广佛线（西朗-金融高新区）
西朗站乃继杨箕站之后又一攞命换乘站。去过杨箕站嘅老友应该深有体会。
广佛线车站嘅特色有二：1.墙面用陶砖铺设（区别于其他线路）；2.所有站墙面都用陶砖铺设（相对于本线，站站都冇咩特色）。

工作人员话唔畀影相，就算影都唔畀影到列车，大致意思系惊技术外泄之类。其实技术……
列车使用旋转电机（4、5、6号线都用先进嘅直线电机）。
车门普通为普通开合式电动门（除咗1、8号线旧车，其他线路列车都系密封性好嘅推塞式电动门，列车行进时唔会有大风吹入）。
甚至连屏蔽门感应开关都冇（话说早期1号线都系噉）。一躺列车有两名列车员，一名负责开车、控制车门等，另一名（唔着制服）专职负责控制屏蔽门。汗！

冲住地面入站口嘅“剪纸”（据新闻报道），出咗菊树站睇睇，结果，失望啊……

gzpassenger · 发表于 2010-12-18 17:49

本帖最后由 gzpassenger 于 2010-12-20 19:52 编辑

3号线（机场南-林和西）
重点放咗喺机场南站。

经过未开通嘅高增站，可以见到里面重摆住一大堆水泥、沙包。不过列车冇减速，影唔到相。
经过永泰站、同和站之间嘅隧道嘅某个位置，车速就减到好鬼慢（感觉踩单车都快过佢）。一位坐开呢段线路嘅老友话，列车次次来到呢度都系噉。（唔通同之前曝光嘅“质量门”有关？）
由机场南站到林和西站用时将近一个钟头。

APM
APM嘅列车用橡胶轮胎，无人驾驶，车速唔算快。坐APM真系有种坐巴士嘅感觉。

一组列车由两节车厢连接而成，车厢之间唔连通。但站台其实可以容纳三节车厢。所以有两个门系唔打开嘅。

走出歌剧院站，影咗几张相。第一张以“扭纹柴”做背景。

某座楼（唔记得叫乜名）。

赤岗塔站。

赤岗塔站（与3号线）换乘通道。左边去3号线，右边去APM，要先上再落。

总结
成个行程足足用咗半日（包括坐车同影相）。4号线依然系值得推荐嘅观光线路；想体验平行换乘，强烈建议去嘉禾望岗站，唔推荐去沙园站；欲搭3号线北延段除咗要够Money（进出机场南加收5元），更要够耐心（咪以为冇几个站，但个个站之间距离好远）。
顺带一提：想知道现时地铁嘅起始站是否永久性，可以观察屏蔽门地面嘅箭头。如果只有一个方向（只出或只入），就系永久性，例如2号线广州南站、嘉禾望岗站。相反，如果有双向箭头（有出有入），就系暂时性，例如8号线万胜围站、广佛线西朗站。

tanziyuan · 发表于 2010-12-19 12:57

3号线到高增会响喇叭，仲有，果座系西塔（广州金融大厦）

123SIX · 发表于 2010-12-19 22:38

"大学城北站站台为一岛一侧结构。往金洲方向为岛式站台，但该站台另一边铁轨用途不明，正常情况下列车唔进入，因为嗰边嘅屏蔽门同车门位置完全唔对应，兼且系手推门。往黄村方向为侧式站台。（还望有识之士解释一下呢种站台结构。）"

——该“用途不明轨道”估计应该系存车线，因为有一次我RP高到竟然被我亲眼见过有一列车停在了该“用途不明轨道”上！！！！当时大概下午落班时间，我在车上见到对面。

dshshy · 发表于 2010-12-23 19:31

列车经过高增站
睇个站台
真系好恐怖（幽灵车站）

lhx126 · 发表于 2010-12-24 20:55

我怎么看不了图啊

bus00 · 发表于 2010-12-26 20:33

广佛线葛工作人员有时全部传制服。
所谓剪纸在同济路站导有

帐号		自动登录	找回密码
密码			注册